BUNGKRUNG

Bungkrung kue dolanan sing maraih gelis kencot.   Mulane aku wegah nek dolanan bungkrung nang wulan puasa.   Bisa ndlosor gasik ora taren.  Apa jane sih bungkrung kue , ?.  Permainan kiye sederhana.  Umpamane bocah wolu di bagi rong kelompok berarti papat papat.  Rong kelompok kue mau berlomba ngincer bata siji sing ditata ngadeg sekang jarak jauh. Jarake di tentokna umpamane 15 meter.  Sapa sing bisa ngincer nganti rubuh bata kue mau, umpamane kang kelompoku ana sing bisa ngincer nganti rubuh, berarti kelompoku menang. Sing kalah sekang kelompok liane kudu nggendong bolak balek sekang  papan sing nggo ngincer bata nganti tekan bata sing nggo sasaran, bolak balek.  Manfaate ujarku ya apik, kena nggo olah raga gendongan, tapi ya kue mau, nek wulan puasa aku ora sanggup, maraih setane pada pating sliwer prentah kon nginum.

DON DONAN

Don donan utawa gadelan Modale kudu due gambar wayang sing di potongi cilik cilik ukurane kira kira 5 X 3 Cm.  Gemiyem nek selawe  perak tuku maring kancane ulih gambar 50 iji.  Carane main kaya wong dolanan kertu, umpamane bocah papat, sing siji dadi bandar, sing telu masang. Gole masang sekuate sing arep pasang. Gambar wayang di kocok kemureb, terus di dumi loro loro.  Nomer sing nang pojok tengen gambar di jiot angka sing mburi terus di jumlah.  Umapane angka 10 karo angka 15 berarti 0 + 5 Jumlaeh 5.  nek urung puas bisa njaluk gambar siji maning maring bandar, jenenge Don.  jumlah lima done angka 15, berarto 5 + 5 = 10 = 0 Nek hasil mburine nol berarti sempluk utawa lecet. pasangane  langsung di tarik nang bandar.  sing jumlaeh pada karo bandar  kue ya di tarik bandar, nek sing ulih angka sanga bayarane Dobel.

Bubar Sekolah ora bali ngumah langsung ngedepeng nang padon Sekolahan utawa pojok Bale Desa, Bocahan pada nggrombol kaya Kalangan ipyik.  Biyen urung ana keramik, plesteran semen nganti meling go klosod, ora urus biyunge gole ngumbaih.  Seneng banget rasane nek ulih jumlah angka sanga.  Aku paling sengit nek ulih Gambar Togog utawa gambar celeng.  Mesti apes.  Gambar togog angkane 40 dadi mburine nol. Gambar celeng angkane 47, nek ulih telu don ulih celeng dadine lecet.  Nek bandare urung tobat esih ayuh bae.  Jam loro tembe pada bubar.  Weteng kencot mono, ora salin salinan klambi mbukak sair  ( tutup sega karo lawueh ), langsung mapan madang.  Sering tekan ngumah wis langka apa apa, gesek be gari ndase thok.  Jane ya kepengin nangis, kawit esuk urung madang. Tapi biyunge malah prentah kon aja bali sisan.

Dolanan Don donan jane ya termasuk judi, tapi ana manfaate semending, Pelajaran bahasa jawaku bijine gede  , masalaeh aku apal maring jenengan wayang.

EGRANG

Balap Egrang nek jaman gemiyen Rame banget, Kadang kadang akeh wong tua tua pada melu bae. Egrang kue Pring Loro, terus tengah di sogi bancikan sing ndep duwure kena di setel.  Pring di jejer go munggah.  dadi sing numpak kudu pinter njaga keseimbangan men aja nganti tiba, carane gatholan pring loro kue mau, geh gambare mbok pengin gawe.

Egrang kayane nganti seprene esih ana bocah sing dolanan. Pancen nek egrang egrangan senenge pol.  Nganti kelalen madang. Kepenak go mlaku mlaku , ora mawi sandalan, ora kenang dalan benyek.

NYOLONG JERUK

Nek kiye udu jenis permainan, tapi jaman gemiyen wis go pedinan nang bocah bocah.  Nek mangsan woh wohan, Rabutan, jambu, blimbing apa jeruk kue nggo makanan pokok nek mbengi.  Aku mangkat ngaji maring Mesjid nggawa onthor, wong gemiyen urung ana listrik.  Sempor kue pring di sogi latung ( lenga tanah ) nduwure di tutup gombal. Biasane nek bali ngaji sempor tek nggo  ngobor jangkrik. Tapi manfaat liane go ngecoh Pak Kadus , etok etok nitor blimbing, padahal kebon jeruk sing nang mburi ngumah di rontog bocah bocah. 

Bali kang mesjid rencana di mulai.  Strategi diatur. sidang anggota nang togor bale desa. Sing biasa mangkal bocah lima.  Sarunge Haryanto  sing ambune paling apek sepakat go wadah hasil Operasi.  Aku wektu kue paling cilik, dadi ming trima nggawa sempor etok etok nitor blimbing.

LITHONGAN

Gemiyen Jenenge Lithongan , nek sekiye jenenge petak umpet, wong ostrali ngomonge hide and seek, intine pada bae, sing kalah hompimpa masang, tungkup,liane umpetan.  Gole umpetan werna werna , ana sing ngrusek nang ganyongan, nang jumbleng, nang prapingan, ngisor gedang, nang blumbang.  sing urung tau lithongan kaya kie carane. Umpane bocah lima ya, Hompimpa, sing kalah tungkup nang nggon sing wis di tentokna sedurunge , umpamane Togor bale desa, sing papat umpetan. nek wis krungu suara duuuuuggg, berarti wis kena di goleti.  Lha Togor mau aja nganti di mek nang sing umpetan.  Nek sing umpetan bisa ngemek togor tanpa kewenangan berarti esih menang.  sing Kewenangan gole umpetan disit dewek kue mengko sing tungkup.
Gemiyen aku senenge lithongan bantingan.  Lithongan bantingan kue umpane bocah 5, sing tungkup sji, sing papat umpetan, sing kewenangan gole umpetan di banting , trus puthil , gelut nganti salah sijine tobat.  neng sing kalah sing umpetan berarti dadi balane, melu nggoleti sing telu, kayakue seteruse, di kroyok.
Biasane Lithongankue nak suasanane terang, padang wulan, jan pendeken, seneng banget rasane.  Bubare nganti tekan jam 2 mbengi.  Gari adus trus tembe mapan turu.   Ra urus tes blangsakan nang jumbleng turune tetep angler.

MAINAN ANAK TEMPO DULU

Era tahun 1970an  , berarti berkisar antara 30 - 40 tahun yang lalu.  Waktu yang cukup lama  untuk sebuah proses Kontaminasi terhadap Adat  dan budaya masyarakatnya.