NONTON WAYANG KULIT

Wayang kulit , utawa ringgit purwa siki esih membudaya.  Tapi ora kaya jaman aku esih cilik.  Siki wayang kulit wis di modifikasi men lewih menarik di tonton.  Pertunjukan wayang kulit jaman gemiyen ya isine ukur dalang sinden penayagan, musike  gemelan. Jalan critane lakon  di gatekna banget. Wektune molaih jam setengah sepuluh mbengi bubar nganti jam lima esuk.   Tapi nek siki wayang kulit wis di campuri lengger, Penyanyi top, orjen, pelawak lan lia liane.  Jalan critane wayang wis di campur bawur karo dagelan, jogedan lengger, lagu lagu pop, lan lia liane.  Jam papat esuk wis bubar. ya nek menurutku sih apik, nggo menarik penonton men betah njagong.  Para sedulur kabeh , jaman tahun pitung puluhan tekan tahun wolung puluhan, wayang kulit pancen  membudaya banget, nek lagi mangsan wong mbarang gawe ( khajatan ) kue nek sing ekonomine mampu mesthi nanggape wayang kulit.  

Aku dhewek ya ndatuk banget nek kon nonton wayang kulit. Kadang nek ngantuk banget cukup nggelar godong nang blumbangan sing garing.  Tangi tangi wis awan.  Wayange wis diwadaih kothak.  isin banget gole arep menyat.  tekan ngumah mapan turu maning.  Tembe mapan ibu wis nggered sarungku , di gugah kon mangkat sekolah.  hehehe ... aku tau di ukum pak guru kon ngiseni kulah wc gara gara turu nang kelas.  Nganti tekan gedhe ulihku doyan nonton wayang ora mari mari.  nek krungu ana tanggapan wayang , mbuh nang ndi , sing pnting bisa di tempuh nganggo pit onthel aku mesthi mangkat.  Ora perduli udan, dalane angel.  Kebeneran ana kancaku sing hobine pada.  Nek nonton wayang aku karo kancaku siji senenge njagong nang sandinge tukang gong.  Sedurunge wayang labuh, aku nggoleti kalangan ipyik disit.  Ipyik sedela kira kira kena go tuku jajanan kacang.  Ya nek menang, nek kalah ya koloh driji.  

Wektu kue aku bocah loro mangkat nonton wayang  nang nggon sing adoh sekang daerahku.  kira kira 20  kilo meter.  Jam 7 mangkat.  cuacane mendung kaya arep udan.  tapi ya ora peduli.  Temenan , nang tengah dalan grimis madan gedhe.  Tekan nggon wayangan aku bocah loro lithi lithi gejebur kudanen.  wayahe wis jam 9.  duit rongewu perak nang sak melu teles.  kancaku blas ora nggawa sangu.  " Arep kipyik apa ora kie, modale gur rongewu bas, ". takonku.  Tek rogoh nang sak duite teles.  tek jembreng.  Kancaku esih meneng , mikir.  " Go tuku kacang bae ngeneh,  " dheweke semaur karo nyaut duit nang tanganku.  Breett.. , duit sigar dadi loro.  "  Duh goblog banget lho, "  aku kesuh banget.  Duit ewon loro sewek siji.  Gari sewu., akhire tek go pasang ipyik.  tek pasangna nang lima abang, angka senenganku.  Karo deg degan aku ngenteni pithi di sangkab. hiyaaaaa.... ., ora krasa aku ndableg wong nang ngarepku saking senenge bareng weruh pasanganku nojos.  Nampa bayaran nemewu setengah rasane mantep banget. Aku sengaja liren ora pasang maning.  Basuki tek gered mlebu warung soto.  Jaman Gemiyen soto regane sewu mangatus.  Lumayan, duite isih kena go  nambah mendoan.  Bubar mangan, aku milih nggon kesenenganku yakuwe nang sanding tukang gong.  Aku karo basuki  njagong pipir panggung. Udan grimis sing nonton ora pati akeh.
Jam setengah siji wayange molaih rame, tukang gong sing nang ngarepku srithil gole nggebukna tabueh, mripate karo merem, kayane tes ora turu pirang pirang wengi.  Wetengku wis krasa kencot maning.  Basuki nyiwit tanganku karo matane mlirik maring tenongan sajen nang ngarepe tukang gong.   Ana Gapetan utawa iwak ayam panggangan.  " jiot cepetan . " aku krisik krisik nang kuipinge Basuki weruh tukang gonge merem.   Kaya sikatan nyamber walang  basuki Beraksi.  Tapi saking gugupe siraeh ngantem gong sing paling gede. Jdeeeerrrrr.. ,  Tukang gonge kaget, ndilalah wayange pas lagi guneman dadi gamelan oranana sing moni.  Ora ming tukang gong tok sing kaget, tukang mbonange melu nylingak.  Basuki wis kadung tangane nyekel gapetan, karo nyengir ngomong, punten pak , ngge kula nggih , dereng maem wau ".  Bocah saru , sajen di embat, kpengin ksambet koe ya, " tukang gonge semaur.  ngapunten pak., basuki celilian , aku kekelen tapi tek batin. " wis nganah di pangan , tapi aja nang  kene gawa nganah sing adoh " tukang gonge nyambung.  Nggih pak ksuwun.
Geget bae aku nek kemutan kue .
....................................................................................................................................................................
Sing pada doyan ngrungokna wayang kulit nang radio maring klik saya Kusuma fm